موقع المدرس العراقي موقع المدرس العراقي
recent

آخر الأخبار

recent
random
جاري التحميل ...
random

أفضل جدول مراجعة لطلاب السادس العلمي بكلا فرعيه

أفضل جدول مراجعة لطلاب السادس العلمي بكلا فرعيه 


أفضل جدول مراجعة لطلاب السادس العلمي بكلا فرعيه

الجدول يبدأ من1/4 بمادة الكيمياء وراح يكون عباره عن مراجعتين اولى وثانيه 1⃣الكيمياء 1/4 عشرايام 
2⃣الفيزياء11/4 واله11يوم
3⃣الرياضيات23/4 واله9ايام
4⃣الاحياء 3/5وراح يكون13يوم 
5⃣الانكليزي 17/5 وراح يكون8ايام
6⃣اللغه العربيه 26/5وراح يكون 8ايام وتقسم اليوم نصين نص للادب ونص للقواعد

هذا المراجعه الاولى راح نجي للمراجعه الثانيه وطبعا الاسلاميه مراح تقراهه هسه راح تقراهه هيه مراجعه هيه قرايه للامتحان قبل الامتحان ب9ايام 

نجي المراجعه الثانيه راح تبدي يوم 4/66 نحاول نقسمه حسب الاولويه والدروس الي نشوف نفسنا ممضبطيهه زين وطبعا اهم شي نقره الوزاري مال السنين السابقه وتكون مراجعه دقيقه ومركزه .اهم شي كون احنا قبل 9ايام من الامتحان مخلصين المراجعه الثانيه حته نبلش اسلاميه .
بالنسبه شلون تقسم وكتك ☑️😉 اولا لازم االمنبه يكوم صوته عالي حته متاخذك نومه والاحسن تخلي احد من اهلك همين يكعدك ويسحلك سحل اذا متكوم ههه بعدين تعرف شكد مهمه هل خطوه القرايه اهم شي تكون بتركيز مو انك تسهر ومتنام الليل وانته بالك مو يم الماده اني جدولي يبدي من ال5:30الصبح وينتهي بل12:00بالليل 
1⃣من5:30لل6:00راح تصلي تاكل شي خفيف مثلا حليب وشي حلو حته ينفتح دماغك 
2⃣من6:00لل9:00الصبح دراسه وتكون دراسه للاشياء الفهميه بعدهه اخذ ريست عشر دقايق تريك بيهه وارجع دراسه جره وحده لل12:00الضهر 
3⃣من ال12:00لل1:00ريست غده وسبح 
4⃣من1:00لل5:00العصر دراسه متواصله 
5⃣من5:00لل5:30راح تاخذ ريست تاكل بيه شويه تتنفس وكذا 
6⃣من ال5:30لل12:00بالليل راح تكون جره وحده دراسه وحاول يكون عشاك عل ماشي 


اهم شي يكون يمك اكل حلويات تره كولش مهم جوز مثلا زبيب هل اشياء .
بالنسبه لتقسيم االفصول عله الايام 

راح اقسملكم الفصول عل الايام مال كل درس 

اولا:الكيمياء . الفصل الاول :يوم
الفصل الثاني: يوم ونص 
الفصل الثالث: يومين
الفصل الرابع:يوم
الفصل الخامس:نص يوم
الفصل السادس:يوم
الفصل السابع:يوم 
بالنسبه للفصل الثامن بكل يوم من ذني الايام الثمانيه بالليل قبل متنام نص ساعه اله يبقه يومين  للكيميا حاول تراجع الكتاب كله تحل وزاري بيه وكذا .


الفيزياء:الفصل الاول:يوم
الفصل الثاني :يومين
الفصل الثالث:يوم ونص 
الفصل الرابع:نص يوم
الفصل الخامس:يوم
الفصل السادس:يوم
الفصل السابع:يوم
الفصل الثامن: يوم
بيقه يومين تراجع اسئله الفصول ومراجعه شامله للماده


الرياضيات::االفصل الاول:يوم 
الفصل الثاني :يوم
الفصل الثالث:يومين
الفصل الرابع:يومين
التفاضليه:يوم
والهندسه +مراجعه يومين


الاحياء:الفصل الاول يوم
الفصل الثاني يوم 
الفصل الثالث ثلاث ايام
الفصل الرابع يوم 
الفصل الخامس ثلاث ايام 
الفصل السادس يوم 
باقي ايام الاحياء مراجعه مضبوطه للماده 


الانكليزي الوحده الاولى يوم 
الوحده الثانيه يوم 
الوحده الثالثه يوم 
الوحده الرابعه +قصه الارجوحه يوم 
الوحده الخامسه يوم
الوحده السادسه يوم 
الوحده السابعه يوم 
الوحده الثامنه +قصه الكناري يوم 
وتكون االتقسيم كل الاتي 
 اول متكعد تقره القطعه الحفظ ساعتين بعدين تقره الانشاء ساعتين ادور تبلش بقواعد والكتاب النشاط مال الوحده 


اللغه العربيه :
تقسم حسب احتياج كل موضوع شرط ان ينقسم اليوم نص ادب والنص الثاني قواعد حته تكمل الماده مثلا من 6:00صبح لل2:00الضهر ادب وبعدين من 2:00لل12:00بالليل قواعد وكذا .. 


هذا هو التقسيم واهم شي تحترمون الوقت لان كلش ضروري بالسادس وايضا وكت الصلاه لاتهملو ووايضا لتهملون اكلكم وهيه هايه سنه مصيريه اعتبروهه وراهه ترتاحون فلا تتعاجزون او تضعفون وخلو ايمانكم بالله وحلمكم جبير ويارب ميخيب ضنكم



منقول من الاخ
 عبد الله الامير 
من حسابه على الفيس بوك 

التعليقات

';


جميع الحقوق محفوظة

موقع المدرس العراقي

2016